Сега има и полесен начин за сите оние кои сакаат да инсталираат Linux, Solaris или пак некој друг оперативен систем на своите DELL лаптопи или компјутери, без да плаќаат за оперативен систем кој нема да го користат, или пак да бараат враќање на парите назад. Иако до сега само во посебни случаи можеше да се нарача лаптоп или десктоп без лиценциран и преинсталиран Windows оперативен систем, сега сите модели на лаптопи и десктоп машини можат да се нарачат од DELL и без оперативен систем. Системите се испорачуват со FreeDOS, кој како што му кажува и името е бесплатен.
Кај DELL PowerEdge серверите веќе долго време може да се бира дали серверот ќе се испорача без оперативен систем или пак со преинсталиран Windows или Linux OS.