За разлика од класичните монитори wide-aspect или widescreen мониторите имаат поголема однос на ширината во однос на висината, овозможувајќи на тој начин поголема корисна видна површина на екранот. На ваков начин се овозможува апликациите да се гледаат една до друга, се зголемува продуктивноста, а корисниците многу полесно достапуваат до податоците. Додека кај мониторите со класична ширина отворените прозорци обично стојат еден врз друг, кај widescreen мониторите се намалува потребата од скролирање во прозорецот или пак постојаното префрлање од еден прозорец во друг за да можат податоците од соодветната апликација да ни станат достапни.

Се повеќе и повеќе корисници при купувањето на компјутерска опрема и изборот на соодветен монитор одлучуваат нивниот избор да бидат LCD Flat Panel мониторите. Исто така и голем број на корисници размислуваат при замената на нивните монитори со нови да се одлучат за оваа технологија.
Зошто?
Затоа што споредувајќи ги едните со другите LCD (Liquid Cristal Display) технологијата по своите карактеристики е супериорна во однос на класичната CRT ( Catode Ray Tube )технологијата. Главните разлики кои LCD мониторите ги ставаат пред класичните монитори се следниве:

При купувањето на нов компјутер изборот на мониторот преставува една од најважните компоненти. Мониторот е врската помеѓу нас и компјутерот, од неговиот квалитет, перформанси, дизајн и од неговата прилагодливост према нашите потреби најчесто зависи и комплетниот впечаток при неговото користење. Лошиот избор најчесто се одразува на нашата продуктивност, удобноста при работата, а често пати и на нашето здравје.