Нови технологии


Брзиот развој на безжичната комуникација претставува вистински предизвик, но исто така бара од нас да учиме и да бидеме во тек со сите новитети што ги нуди технологијата како опција за поудобен и современ живот. Само така можеме да го направиме вистинскиот избор и да бидеме дел од современото општество без да се губиме во новите технички поими.
Најчесто корисникот претпоставува дека самиот назив води кон целта, но збунувачки е фактот дека постои било каква аналогија помеѓу името на данскиот крал Bluetooth и безжичната технологија која го носи неговото име. Решение на оваа дилема е клучниот збор "обединување". Кралот Bluetooth ги обединил Данска и Норвешка, а Bluetooth технологијата ги обединува компјутерската и телекомуникациската индустрија.
Оваа приказна води кон тоа дека не секогаш е очигледна релацијата која постои помеѓу една технологија и потеклото на називот што таа го носи. И најголемите сезнајковци секогаш може да научат нешто ново, пред се поради тоа што секој бренд користи специфични називи и опции по кои се издвојува од останатите брендови.
Да се биде прв, уникатен и секогаш чекор пред другите е поентата на светски признатите брендови, помеѓу кои DELL ја завзема највисоката позиција. Dell MediaDirectTM, Dell’s exclusive Wi-Fi CatcherTM се само некои од уникатните опции со кои располагаат DELL лаптопите.

Bluetooth

Bluetooth е технологија која го добила својот назив во чест на данскиот крал Harald Bluetooth Blataand кој ги обединил Данска и Норвешка. Основната идеја на безжичната Bluetooth технологија е да ги обедини телекомуникациската и компјутерската индустрија. Bluetooth технологијата се користи за безжична синхронизација и пренос на податоци помеѓу уредите. Bluetooth-от претставува безжична замена за каблите, и е доста популарен за поврзување кај аудио уредите, palm-top компјутерите, мобилните телефони, или за пристапување кон безжична мрежа со лаптоп. Станува збор за технологија на радио бранови со краток опсег која оперира на 2.4 GHz и е способна за емитување на глас и податоци. Ефективниот опсег на BLUETOOTH уредите е 10 до 100 метри. Брзината на пренос на податоци е од 1 Mbps за Bluetooth 1.2 до 3 Mbps за Bluetooth 2.0 + EDR (Enhanced Data Rate), што е основната причина поради која DELL лаптопите располагаат исклучиво со Bluetooth 2.0.

MediaDirect – Побрзо и Поедноставно

Оптимално лоцираните MediaDirect копчиња со кои располагаат новите модели на лаптопи од DELL имаат за цел да го поедностават пристапувањето до неопходните апликации и мултимедијални фајлови со кликање на само едно копче, а без претходно вклучување на лаптопот.
Брзо пронаоѓање на адреси и контакти, брзо пристапување до корисничкиот потсетник, стартување на PowerPoint презентации без претходно бутирање на системот, како и можност за пристап до содржини од локалната меморија, CD, DVD и flash меморија без подигање на оперативниот систем.
Пристапувањето до важните MediaDirect фајлови единствено е ограничено со password со цел да се заштитат податоците од неавторизиран пристап. Оваа удобност е расположива единствено кај DELL производите, и претставува уште една предност по која атрактивните и уникатни DELL производи се чекор напред во современата технологија.

Wi-Fi Catcher

Wi-Fi Catcher е уред кој работи независно од оперативниот систем на лаптопот и детектира најсилен безжичен сигнал без вклучување на лаптопот со што овозможува брзо и поволно пронаоѓање на расположивите Wi-Fi мрежи. Целата процедура се реализира само со вклучување на едно on/off копче, а без отварање на лаптопот и без бутирање на системот. Кога LED диодата ќе светне зелено, тоа значи дека е детектиран најјакиот сигнал и корисникот е во можност да ја користи расположивата Wi-Fi мрежа, односно да користи безжичен интернет.